सोमराज बडे,पाथर्डी प्रतिनिधी :पाथर्डी तालुक्यातील चिंचपूर पांगुळ येथे सालाबादप्रमाणे माजी “आमदार स्व.दगडू पाटील बडे युवा प्रतिष्ठान”आयोजित टेनिस बॉल क्रिकेट स्पर्धेचे आयोजन श्री धनंजय बडे पाटील व डॉ.राजेंद्र खेडकर मित्र मंडळाच्या मार्गदर्शनाखाली चिंचपुर पांगुळ येथील श्रीवामनभाऊ विद्यालयाच्या प्रांगणावर करण्यात आले आहे.
या स्पर्धेचे उद्घाटन आज वार रविवार (ता.२४) रोजी पाथर्डी पंचायत समितीचे मा.सदस्य डॉ.राजेंद्र खेडकर,वडगावचे सरपंच आदिनाथ बडे यांच्या हस्ते रविवार दि.२४ डिसेंबर २०२१ रोजी सकाळी ९.वा करण्यात आले आहे.
यावेळी उद्धव केदार,दगडू बडे,बाबासाहेब नागरगोजे, बाबासाहेब आव्हाड,राजेंद्र सातपुते,किरण शेटे,सोनाजी बडे,राजेंद्र खाडे,आदीसह खेळाडू ,ग्रामस्त मोठ्या संख्येने उपस्थित होते.
स्व.दगडू पा.बडे प्रतिष्ठान च्या वतीने दरवर्षी विविध क्रीडा स्पर्धा कार्यक्रमांचे आयोजन करण्यात येते.यावर्षी दि.२४ डिसेंबर वार रविवार ते ३१डिसेंबर २०२३ या कालावधीत स्पर्धा आयोजित करण्यात आली आहे.
" स्पर्धेसाठी नगर,बीड जिल्ह्यातील नामांकित क्रिकेट संघांना आमंत्रित करण्यात आले असून, विजयी संघास रोख पारितोषिके आणि चषक व उत्तेजनार्थ वैयक्तिक पारितोषिके देण्यात येणार असल्याचे संयोजकांच्या वतीने सांगण्यात आले आहे."प्रथम क्रमांकाचे बक्षीस रु.३१००० भाजप नेते तथा जिल्हा उपाध्यक्ष श्री धनंजय बडे पा.यांच्या वतीने ठेवण्यात आले आहे.,तर डॉ.श्री राजेंद्र खेडकर यांचे वतीने द्वितीय क्रमांक रु.२१००० ,तर तिसऱ्या क्रमांकचे बक्षीस रु.११०००. तुकाराम नारायण बडे यांच्या वतीने ठेवण्यात आले आहे.
स्पर्धेसाठी फक्त ११११रु .प्रवेश फी ठेवण्यात आली आहे.
हि स्पर्धा सर्वांसाठी खुली असणार आहे.त्यामुळे अधिकाधिक संघाने सहभागी व्हावे असे आवाहन आयोजकांनी केले आहे.
यात उत्कृष्ट संघ,उत्कृष्ट कर्णधार,मॅन ऑफ दी मॅच, उत्कृष्ट गोलंदाज,उत्कृष्ट फलंदाज,उत्कृष्ट क्षेत्र रक्षक उत्कृष्ट यष्टीरक्षक,यांना रोख बक्षिसे देण्यात येणार आहेत.स्पर्धेसाठी सोमनाथ बडे,विकास वायभासे,शत्रुघ्न बडे, रेवन बडे,अक्षय बडे, सोनू राजगुरू,वासुदेव बडे,अक्षय बारगजे,इत्यादी.तरुण हि स्पर्धा यशस्वी होण्यासाठी मेहनत घेत आहेत.स्पर्धेचे फायनल सामनेे हे ३१डिसेंबर रोजी होणार आहेत.
