एम. एम .नि-हाळी विद्यालय पाथर्डी येथे, थोर स्वातंत्र्य सेनानी “कै.माधवरावजी नि-हाळी” उर्फ (आप्पा )यांची जयंती साजरी …
सोमराज बडे,पाथर्डी प्रतिनिधी : पाथर्डी येथील एम.एम.नि-हाळी विद्यालयात थोर स्वातंत्र्य सेनानी, पाथर्डी तालुक्याचे प्रथम “आमदार कै. माधवरावजी नि-हाळी “यांची जयंती साजरी करण्यात आली.यावेळी विद्यालयातील विद्यार्थ्यांनी कै.माधवरावजी नि-हाळी यांच्या जीवन कार्यावर आधारित भाषणे केली.
संस्थेचे विश्वस्त श्रीकांत नि-हाळी यांनी देखील, आपल्या भाषणामध्ये आप्पांनी सांगितलेले विचार, व त्यांचे कार्य विद्यार्थ्यांसमोर स्पष्ट केले.
कार्यक्रमाचे अध्यक्ष श्री. गजाननरावजी कोष्टी यांनी आपल्या अतिथी भाषणामध्ये विद्यार्थ्यांना मार्गदर्शन करताना म्हणाले की, विद्यार्थ्यांनी शिक्षण हे एकलव्या प्रमाणे घेतले पाहिजे. गुरु असतील, नसतील आपल्या शिक्षणामध्ये प्राविण्य मिळवले पाहिजे.. असे मत त्यांनी यावेळी व्यक्त केले…
तसेच कै. माधवरावजी नि-हाळी यांच्या बद्दल बोलताना ते म्हणाले की , आप्पांनी आयुष्यभर निस्वार्थपणे आपले कार्य समाजासाठी केले आहे. त्यांचे कार्य समाजासाठी एक प्रेरणा आहे. तसेच माधवराव यांच्या कार्याची माहिती त्यांनी विद्यार्थ्यांसमोर मांडली.
यावेळी, विद्यालयाचे प्राचार्य श्री .संजय घिगे सर, विश्वस्त श्री. श्रीकांत नि-हाळी सर, पर्यवेक्षक- दत्तात्रय लवांडे, पंचायत समिती पाथर्डी. शिक्षण विभागाचे श्री. भांगरे साहेब तसेच सर्व शिक्षक, शिक्षिका व शिक्षकेतर कर्मचारी उपस्थित होते.
कार्यक्रमाचे सूत्रसंचालन श्री गणेश सरोदे यांनी केले ,तर कार्यक्रमाचे आभार श्री राधाकिसन कोठे यांनी मानले.
