Nagar Reporter
Online news Natwork
सोमराज बडे,पाथर्डी :श्री क्षेत्र मोहटा देवी देवस्थानच्या अध्यक्षपदी श्रीम. माधुरी बरालीया – जिल्हा न्यायाधीश १ अहमदनगर यांची नियुक्ती करण्यात आली आहे. काल शनिवार ( ता.६) रोजी देवस्थान ट्रस्टच्या अध्यक्ष पदाचा पदभार बरालिया यांनी स्वीकारला आहे. भक्तांच्या नवसाला पावणारी देवी अशी ख्याती असलेल्या श्री जगदंबा देवी सार्वजनिक ट्रस्ट (मोहटादेवी देवस्थान ) च्या अध्यक्ष तथा अहमदनगर येथील जिल्हा न्यायाधीश पदी असलेले श्री सुनील गोसावी यांची रत्नागिरी येथे प्रमुख जिल्हा न्यायाधीश या पदावर पदोन्नती झाली असल्यामुळे,सदर पद हे रिक्त झाले होते.
त्यामुळे या पदावर श्रीमती माधुरी अनुप बरालीया – जिल्हा न्यायाधीश १ अहमदनगर यांची नुकतीच अहमदनगरचे प्रमुख जिल्हा व सत्र न्यायाधीश श्री सुधाकर यार्लागड्डा यांनी नियुक्ती केली आहे.
श्रीमती बरालीया यांनी श्री मोहटादेवीची विधिवत पूजा-अर्चा करून वार शनिवार(ता.६) रोजी सायंकाळी आपल्या पदाचा रीतसर पदभार स्वीकारला. त्यानिमित्त देवस्थान समिती विश्वस्त मंडळाच्या वतीने स्वागत करून त्यांचा सन्मान करण्यात आला. यावेळी पदसिद्ध विश्वस्त श्रीमती अश्विनी बिराजदार (दिवाणी न्यायाधीश पाथर्डी,) डॉ. श्रीधर म. देशमुख,अक्षय गोसावी, विठ्ठल कुटे एड. विक्रम वाडेकर, श्रीमती अनुराधा केदार ,देवस्थानचे मुख्य कार्यकारी अधिकारी श्री सुरेश भनगे आदीची उपस्तिती होती.
