नगर रिपोर्टर
ऑनलाईन न्यूज नेटवर्क
अहमदनगर– शहरातून वंदे मातरम्, जय हिंद, भारतमाता की जय, ही घोषवाक्य व हातात देशाची आणबाण शान असलेला तिरंगा ध्वज हातात घेऊन अहमदनगर शहरातून कोतवाली पोलिस ठाण्याच्या कर्मचा-यांनी वरिष्ठ पोलिस अधिका-यांच्या मार्गदर्शनाखाली शुक्रवारी (दि.१२) दुचाकी रॅली काढण्यात आली.
नगर शहर उपविभागीय पोलिस अधिकारी अनिल कातकाडे यांच्या मार्गदर्शनाखाली कोतवाली पोलिस ठाण्याचे पो नि संपत शिंदे यांच्यासह पोलिस कर्मचा-यांनी कोतवाली पोलिस ठाण्यापासून डाॅ बाबासाहेब आंबेडकर पुतळा-छञपती शिवाजी महाराज पुतळा-सक्करचौक- जुनी महापालिका माळीवाडा- चितळीरोड ते कापडबाजारमार्गे पुन्हा कोतवाली पोलिस ठाणे अशी दुचाकी रॅली काढण्यात आली होती. या रॅली मोठ्या उत्साहाने पोलिस कर्मचारी सहभागी झाले होते.